RTWQMS - Water Quality Monitor vs Local Government Calendar-LGOC Usage & Stats

सङ्घीय नेपालको मूल संरचना तीन (सङ्घ, प्रदेश र स्थानीय) सरकार हुने र तीनै सरकारले संविधान र कानून बमोजिम राज्यशक्तिको प्रयोग गर्ने व्यवस्था रहेको छ । तीनै सरकारले नेपालको संविधानले दिएको आ–आफ्नो अधिकार क्षेत्र प्रयोग गरी सङ्घीयता कार्यान्वयनको अभ्यास गरिरहेका छन् । नेपालमा सङ्घीय शासन प्रणाली नयाँ अभ्यास भएकोले स्थानीय सरकारले संविधान, नीति तथा कानून बमोजिम उपयुक्त व्यवस्थाको विकास गरी यसको प्रभावकारी कार्यान्वयन गर्नु पर्दछ । स्थानीय सरकार जनताको सबभन्दा नजिक रहने हुँदा, सेवा प्रवाह र नागरिकका समस्या तथा सरोकार यसका प्रमुख चासोका विषयहरु हुन् । स्थानीय सरकाले गर्ने विभिन्न कामलाई एकिकृत गरी प्रस्तुत गर्न आर्थिक वर्षमा आधारित वार्षिक पात्रो महत्वपूर्ण हुन सक्ने तथ्यलाई मध्यनजर गरी स्थानीय सरकार सञ्चालन पात्रो २०७८/७९ तयार गरिएको हो। स्थानीय सरकारले संवैधानिक तथा प्रचलित कानूनी दायित्व पुरा गर्न नियमित, पटके र आवधिक रुपमा विभिन्न कार्यहरु गर्नुपर्दछ । यसको व्यवस्था संविधान तथा तीनै तहका सरकारको नीति, कानून र कार्यविधिहरुमा गरिएको छ । यसका लागी तयार गरिएका विभिन्न साधनहरु मध्ये स्थानीय सरकार सञ्चालन भित्तेपात्रो (२०७८/७९) पनि एक उपयोगी साधन रहेको अनुभव जनप्रतिनिधि तथा कर्मचारीहरुको छ । यसै भित्तेपात्रोलाई मोबाइल एप(डिजिटल)को रुपमा विकास गरिए अझ बढी उपयोगी तथा प्रभावकारी हुने सुझावलाई सम्बोधन गर्दै, यो एपको निर्माण गरिएको हो ।