LiderPay vs KredAqro Uso e estatísticas

KredAqro Mobile – Azərbaycan Respublikasının ərazisində fəaliyyət göstərən “KredAqro” Bank Olmayan Kredit Təşkilatının (“Təşkilat”) müştəriləri və kredit əldə etmək istəyən digər vətəndaşları üçün hazırlanmış mobil tətbiq. Tətbiq vasitəsi ilə müştərilər öz kreditləri barədə ətraflı məlumat əldə etmək, online ödəniş etmək və kredit əldə etmək üçün müraciət edə bilərlər. Tətbiqin məqsədi müştərilərə göstərilən xidmətin keyfiyyətinin, operativliyin, o cümlədən müştəri məmnuniyyətnin artırılmasıdır. Mobil tətbiqdə qeydiyyat keçmə qaydası: • Təşkilatın aktiv müştərisi üçün – şəxsiyyət vəsiqənizin FİN-i (7 simvoldan ibarət fərdi identifikasiya nömrəsi) və mobil nömrəniz daxil edilir, mobil telefonunuza SMS şifrə göndərilir, göndərilmiş SMS şifrə mobil tətbiqə daxil edilir, tətbiqə giriş şifrəsi təyin edirsiz (kənar şəxslərin daxil olmaması üçün) və siz artıq qeydiyyat keçmiş hesab edilirsiz. Qeydiyyat keçdikdən sonra tətbiqin ilk səhifəsində aşağıdakı məlumatlar əks olunur: - Aktiv kreditlər - Bağlı kreditlər - Kreditin məbləği - Kreditlərin verilmə və bitmə tarixi - Kreditin növü - Kredit üzrə gecikmə günləri - Yeni kredit üçün “Müraciət edin” düyməsi Qeyd: Qeydiyyat zamanı istifadə etdiyiniz mobil nömrə kredit əldə etdiyiniz zaman tərəfinizdən təqdim edilmiş və kredit müqaviləsində qeyd olunmuş mobil nömrədən hər-hansı səbəbdən fərqli olarsa qeydiyyat uğursuz olacaqdır. Mobil nömrənizin yenilənməsi məqsədi ilə Təşkilatın Baş Ofisinə və ya kredit əldə etdiyiniz filialına müraciət etməyiniz zəruridir. • Digər vətəndaşlar üçün - şəxsiyyət vəsiqənizin FİN-i (7 simvoldan ibarət fərdi identifikasiya nömrəsi) və mobil nömrəniz daxil edilir, mobil telefonunuza SMS şifrə göndərilir, göndərilmiş SMS şifrə mobil tətbiqə daxil edilir, tətbiqə giriş şifrəsi təyin edirsiz (kənar şəxslərin daxil olmaması üçün) və siz artıq qeydiyyat keçmiş hesab edilirsiz. Qeydiyyat keçdikdən sonra tətbiqin ilk səhifəsində “Müraciət edin” düyməsini seçməklə və növbəti səhifədə qısa müraciət formasına zəruri məlumatları daxil etməklə kredit müraciətinizi Təşkilata ünvanlaya bilərsiz. Tətbiq üzərindən müraciətiniz Təşkilata daxil olduqdan sonra mütəxəssislər tərəfindən mümkün qısa müddət ərzində sizinlə əlaqə saxlanılacaq və kredit ehtiyaclarınızın təmin olunması istiqamətində zəruri addımlar atılacaqdır. Təşkilat 2000-ci ildə təsis edilmiş və Azərbaycan Respublikasının regionlarında səmərəli şərtlərlə müştərilərin kredit ehtiyaclarnı qarşılamaq istiqamətində fəaliyyət göstərməkdədir. Təşkilatın əsas məqsədi Azərbaycan Respublikasının vətəndaşlarına şəffaf, səmərəli, operativ və keyfiyyətli maliyyə dəstəyi göstərməkdir. KredAqro Mobile tətbiqindən istifadə etdiyiniz üçün təşəkkür edirik.